O Concello de Xinzo de Limia vai realizar traballos de asfaltado no tramo da travesía da N-525, concretamente no sector comprendido entre a avenida de Portugal e O Pombal.
As obras desenvolveránse desde a tarde deste xoves, 14 de maio, ata a tarde do sábado, 16 de maio. Esta decisión responde á intención de aproveitar a mellor meteoroloxía e reducir as molestias aos veciños e usuarios da vía.
Impacto no tráfico e desvíos:
Os traballos obrigarán a realizar cortes de tráfico no eixe viario principal. Por este motivo, a Concellería de Mobilidade recomenda aos condutores utilizar os desvíos habilitados, os mesmos que se empregan habitualmente durante o entroido para acceder ao centro ou cruzar a localidade.
Para garantir a fluidez da circulación e xestionar posibles incidencias, haberá un reforzo da Policía Local durante as xornadas de obras.
