O Concello de Xinzo de Limia, a través da súa Concellaría de Cultura, fixo público o fallo do xurado do II Concurso Fotográfico «Entroido de Xinzo: un sentimento». Esta segunda edición consolidouse como un éxito de participación, reunindo un volume importante de traballos que capturan a esencia, a tradición e a emoción da festa máis emblemática da Limia.
O xurado, do que formou parte Diario do Limia como medio colaborador, seleccionou as seis obras premiadas tras unha complexa deliberación motivada pola alta calidade das propostas.
Premios:
- Primeiro Premio: «Admiración», de Mónica Campelo.
- Segundo Premio: «Tempo de espera», de Jesús María Abad.
- Terceiro Premio: «A danza do ciclo», de Gabriel Flambó (vecino de Montalegre).
Mencións Especiais:
- Premio Diario do Limia: «O presente arroupando ao futuro», de Ledicia Prieto.
- Premio Asociación Cultural A Pantalla: «Arriba o Meco», de Bruno Simón.
- Premio Dende A Limia: «O sentimento que nunca se perde», de Iván Pena.
Ademais, seleccionáronse as 15 mellores fotografías do certame para protagonizar a próxima exposición fotográfica «Un sentimento» na vila. Esta mostra permitirá revivir o Entroido a través de miradas únicas, pondo en valor o talento dos participantes e a riqueza visual da tradición limiá.
Fonte: www.diariodolimia.gal
