A compañía ourensana Aceites Abril lanza a súa terceira campaña consecutiva adicada ao Entroido, co obxectivo de poñer en valor esta celebración como expresión da identidade, memoria colectiva e cultura popular de Galicia.
Nesta edición, a empresa amplía a súa aposta pola divulgación do patrimonio inmaterial galego, centrándose en seis entroidos representativos:
- Xinzo de Limia (Ourense) – Domingo Oleiro
- Sarreaus (Ourense) – Vergalleiro
- Sande (Cartelle, Ourense) – A Bonita
- Oza de Bergantiños (A Coruña)
- Entroido Ribeirao (Lugo)
- Aguasantas (Pontevedra)
A campaña, baixo o lema «Somos de Entroido», busca dar visibilidade tanto ás manifestacións máis coñecidas como ás tradicións locais transmitidas de xeración en xeración. A iniciativa conecta gastronomía, territorio e tradición, reivindicando unha cultura viva e a importancia de preservar as costumes galegas. A empresa sinala que esta campaña vai máis alá do produto, aliñada co seu propósito de marca e cunha forma auténtica de entender a gastronomía ligada á orixe, calidade e persoas.
A campaña chega nun momento significativo, tras a recente declaración do Entroido como Ben de Interese Cultural (BIC) pola Xunta de Galicia, recoñecendo o seu arraigo histórico, o seu papel na cohesión social e o seu vínculo coa máscara e a gastronomía.
O concepto creativo, desenvolvido internamente, subliña o papel de asociacións culturais, colectivos veciñais e persoas que manteñen viva a tradición. A iniciativa xa está presente en preto de oitenta pezas gráficas en exteriores, mobiliario urbano, medios dixitais, prensa escrita e redes sociais, reforzando a visibilidade de Aceites Abril nun momento clave do calendario festivo e cultural galego.
