O Concello de Xinzo suspende os concertos e o Petardazo por seguridade

O Concello de Xinzo de Limia suspendeu as actividades principais previstas para mañá, sábado 24 de xaneiro, na Praza Carlos Casares debido á imposibilidade de desprazar o camión do Posto de Mando Avanzado (PMA). A AXEGA comunicou esta imposibilidade debido á alerta por climatoloxía adversa. A presenza do PMA é un requisito indispensable para garantir a seguridade e cumprir coa normativa.

Quedan canceladas a actuación da orquestra Origen, o concerto de Henry Méndez e o acto do Petardazo. O reloxo da Praza Carlos Casares permanecerá apagado como sinal da suspensión.

Para manter o espírito do Entroido, haberá animación musical por diversas rúas da vila a partir das 22:00 horas coa disco móbil Apocalipsis, Xituma Batuke e a Charanga Achicoria.

O Concello lamenta a decisión, pero subliña que a seguridade da veciñanza e dos visitantes é a prioridade absoluta ante a imposibilidade de contar cos medios de coordinación técnica necesarios.

Saber máis · Descubre A Limia Xinzo de Limia 9.699 habitantes · 20 parroquias Coñecer o concello →