O escritor e xornalista Víctor F. Freixanes recibirá o venres 23 de xaneiro o Premio de Xornalismo Carlos Casares, outorgado polo Concello de Xinzo de Limia. O evento de entrega terá lugar na igrexa vella de Santa María ás 20.30 horas.
Estes galardóns distinguen o «xornalismo literario» pola súa capacidade de transcender a literatura e abarcar diversos ámbitos como a política, a arte, o deporte e as costumes sociais.
O xurado destacou en Víctor F. Freixanes a súa orixinalidade e eficacia narrativa, sinalando que os seus textos conseguen «falar dunha cousa e levar a outras», propiciando unha reflexión discreta no lector.
O xurado estivo presidido por Carlos Gómez Salgado, concelleiro de Cultura de Xinzo de Limia, e contou coa participación de Carlos Xavier Ares Pérez (Fundación Carlos Casares), a escritora Stella Strada e a xornalista Pilar Cernuda (gañadora da edición de 2024). Gustavo Garrido, da Fundación Carlos Casares, actuou como secretario.
Víctor F. Freixanes, nado en Pontevedra en 1951, é columnista de La Voz de Galicia dende 1976, e tamén foi director de Edicións Xerais e da Editorial Galaxia. Foi presidente da Real Academia Galega (RAG) ata 2025 e é membro do Consello de Cultura Galega.
Como narrador, Freixanes é coñecido por obras como «O triángulo inscrito na circunferencia» (1982) e «Cabalo de ouros» (2010).
