Concello de Xinzo de Limia organiza a segunda edición do concurso de fotografía do Entroido
O Concello de Xinzo de Limia, a través da concellería de Cultura e Turismo, convoca a segunda edición do seu concurso de fotografía do Entroido. Baixo o lema «Tradición, Respecto e Sentimento», o certame busca capturar imaxes que reflectan estes valores durante o ciclo do Entroido 2026 na vila.
O prazo de presentación de obras está aberto dende o 23 de xaneiro ata o 1 de marzo de 2026. Cada participante poderá enviar un máximo de dúas fotografías, en cor ou branco e negro, cun tamaño máximo de 10 MB. É fundamental que as imaxes sexan orixinais, polo que non se permitirá o uso de intelixencia artificial.
O concurso contempla varios premios: un primeiro premio de 300 euros e dous accésits de 100 euros cada un, ademais dun bono de Prolimia. A isto súmanse tres premios especiais de 100 euros cada un, doados por Diario do Limia, a Asociación A Pantalla e Dende a Limia.
As fotografías e o formulario de participación deberán ser remitidos ao correo electrónico: [email protected]. As bases completas do concurso están dispoñibles para consulta.
Fonte: www.diariodolimia.gal
