Diversos concellos da provincia de Ourense sumáronse á moda de celebrar as «prebadaladas», adiantando a toma das uvas á tradicional medianoite.
O Carballiño estrea as «Badaladas do Feirón»
Por primeira vez, O Carballiño celebrou as súas «Badaladas do Feirón» na Praza Maior a partir das seis da tarde. Esta iniciativa, promovida pola Concellería de Cultura, fusionou a última feira do ano, o 31 de decembro, coas precampanadas de Noitevella. Veciños e visitantes aproveitaron a xornada para facer compras, degustar o pulpo e, ademais, festejar a chegada do novo ano con antelación.
Xinzo de Limia e San Xoán de Río tamén se unen á celebración
En Xinzo de Limia, a cita foi ao mediodía no Adro da Igrexa, onde tivo lugar as badaladas anticipadas. A xornada estivo amenizada pola charanga «A Chicoria».
Pola súa banda, San Xoán de Río reuniu a preto dun centenar de veciños nun encontro marcado pola convivencia e o espírito de fin de ano. As campás, tocadas por Pepe Vázquez (O Pintor), puxeron o ritmo a unha sinxela pero sentida celebración.
Ourense cidade: «Tardeo» de Noitevella
Na cidade de Ourense, aínda que non houbo unha convocatoria oficial para as prebadaladas, numerosos bares do casco histórico adiantaron os seus festexos, ofrecendo un «tardeo» de Noitevella para moitos dos seus clientes.
