O Concello de Xinzo recibiu unha delegación de artesáns de Tungurahua (Ecuador), liderada polo mestre GusArte. O alcalde, Amador Díaz, e o concelleiro de Cultura, Carlos Gómez, deron a benvida ao grupo, que doou unha máscara tradicional do Diablo de Píllaro ao Museo Galego do Entroido (Mugae).
A visita buscaba fortalecer os lazos entre o Entroido limiao e a diablada ecuatoriana. A delegación tamén visitou o taller Arte Arrebol para coñecer a figura da pantalla.
