Un home de 88 anos perdeu a vida este luns tras ser atropelado por un coche no quilómetro 216 da N-525, no concello de Allariz. O suceso ocorreu preto dun restaurante, nun tramo recto da vía sen beirarrúa.
A vítima, que vestía roupa deportiva e portaba un bastón de sendeirismo, foi alcanzada na marxe dereita da estrada. Descoñécense as causas do accidente. A pesar da rápida mobilización dun helicóptero do 061, o home faleceu no lugar do sinistro.
O impacto provocou danos no parabrisas dianteiro do vehículo e a rotura da luneta traseira.
