A Garda Civil detivo a un veciño de Ourense de 24 anos na Operación «Sargento Moreiras». A detención está relacionada coa investigación dunha rede criminal implicada en roubos con forza nunha vivenda, un roubo con violencia, roubos nun estanco de Celanova e un restaurante de Ribadavia, ademais de pertenza a grupo criminal.
A Operación «Sargento Moreiras», iniciada en setembro de 2024 tralo roubo en Xinzo, xa desmantelou unha organización de nove persoas, incluíndo detencións en Xinzo de Limia, Ourense e Arteixo, por roubos con forza, estafas e tenencia ilícita de armas. Jorge Luis G.Y., informático do Concello de Xinzo, está en prisión dende febreiro de 2025, sinalado como presunto líder.
A rede está tamén conectada coa Operación «Kypros», que investiga roubos de cable de cobre e incendios forestais. Os investigados están relacionados coa sustracción de 30.000 euros nun domicilio de Xinzo, tabaco valorado en 100.000 euros de estancos en Castrelo de Miño, Celanova e Froufe, e recaudacións en establecementos de Luintra e Ribadavia.
A investigación segue aberta e non se descartan novas detencións. O caso está a ser instruído polo Xulgado de Instrucción de Xinzo de Limia.
Fonte: www.diariodolimia.gal
