Vilar de Barrio lanza o programa "Somos Referentes V"

O Concello de Vilar de Barrio abriu o prazo de inscrición para a quinta edición do programa “Somos Referentes”, centrado no voluntariado interxeracional e a recuperación de oficios tradicionais.

O programa, que se desenvolverá de xullo a outubro, inclúe visitas ás “Xornadas Etnográficas” con representacións de traballos tradicionais como a seitura, a malla, a moenda e a fornada, xunto con charlas explicativas. Tamén se ofrecerán obradoiros sobre a elaboración de pan e empanadas en fornos de Arnuide e Barrio.

O prazo de inscrición remata o 15 de maio e debe realizarse no Concello.

Segundo o alcalde, Manuel Conde, o programa busca atender as inquedanzas da poboación e dinamizar a vida social, continuando con iniciativas de voluntariado interxeracional como a limpeza do Camiño de Santiago e o control de especies invasoras.