Agos Iglesias
O Concello de Xinzo de Limia organiza o «Easter Camp», un campamento gratuíto en inglés para nenos e nenas de 4 a 12 anos. A actividade conta con 20 prazas.
11 marzo 2025. Actualizado ás 05:00 h.
Esta iniciativa pretende facilitar a conciliación familiar durante as vacacións escolares de Semana Santa, ofrecendo unha alternativa educativa e lúdica para os máis pequenos.
O campamento terá lugar os días 14, 15 e 16 de abril no pavillón, en horario de 9:00 a 14:00 horas. Seguindo a liña do anterior «Christmas Camp», esta nova edición combinará o aprendizaxe do inglés con actividades recreativas e creativas, promovendo un lecer saudable e enriquecedor.
As 20 prazas dispoñibles serán asignadas segundo criterios establecidos polos servizos sociais, dando prioridade ás familias que máis o necesiten.
As persoas interesadas poden inscribirse ata o 28 de marzo chamando ao teléfono 988 680 165.
Archivado en: Semana Santa, Xinzo de Limia, Conciliación, Servizos Sociais
