O Concello de Xinzo de Limia, a través da Concellaría de Servizos Sociais e Igualdade (CIM), organiza unha nova edición do campamento de Semana Santa «Intensive Kids». Esta iniciativa, co apoio do Plan Corresponsables, a Xunta de Galicia e o Ministerio de Igualdade, ofrece unha alternativa de lecer educativo en inglés para os máis pequenos, facilitando a conciliación familiar durante as vacacións escolares.
A actividade terá lugar os días 30, 31 de marzo e 1 de abril na Casa da Cultura, en horario de 9:00 a 14:00 horas. O programa inclúe obradoiros creativos, xogos e actividades de convivencia para reforzar os coñecementos de idiomas dos participantes dunha forma lúdica e dinámica.
As familias interesadas en inscribir aos seus fillos e fillas poden facelo enviando un correo electrónico a [email protected] ou chamando ao 677 03 85 75. As prazas son limitadas e asignaranse por orde de inscrición. Con esta programación, o Concello busca ofrecer un espazo seguro e formativo para os nenos e nenas de Xinzo durante o período non lectivo.
