A orixe do topónimo Nocelo

1 de febreiro de 2025. Actualizado ás 05:00 h.

Para alguén da miña familia, Nocelo é un lugar moi especial, cargado da lembranza do sabor dos pementos fritos nos veráns da súa infancia. Falamos dos pementos da Arnoia, río que percorre o concello de Baños de Molgas e que dá nome a estas famosas hortalizas.

Dentro da provincia de Ourense, atopamos Nocelo nos concellos de Porqueira e Sarreaus. Non parecen compartir características orográficas que expliquen a semellanza coa palabra «nocello», algo así como «parte saínte ou nó»; polo tanto, debemos buscar outra orixe.

Nunha estela funeraria da antiga Gallaecia aparece o antropónimo Nicer, identificado como Nicer Clutosi, príncipe dos Albións, que habitaban a zona entre Lugo e Asturias. Outras formas documentadas son Nocus, Noca, Nocius, Nucius e Nuccus, que se achegan máis a Nocelleiro (Pontevedra), Nocellas (Huesca) e Nocina (Santander).

Non é fácil rastrexar o significado do nome deste príncipe, pero, buscando similitudes, pódese relacionar con Nicolás ou Nicodemo, de orixe grega, co significado etimolóxico de «vitoria do pobo».

Archivado en: A Arnoia, Baños de Molgas, Porqueira, Sarreaus, Santander

Fonte: www.lavozdegalicia.es