20 ene 2025. Actualizado ás 05:00 h.
O efecto revulsivo da chegada de Guillermo García ao Barbadás non deu os resultados esperados en dúas saídas a campos complicados como o do Somozas e o Polvorín. En A Cheda, o filial do Lugo golpeou primeiro e moi pronto, ante un equipo visitante ao que lle custa moito ver portería: 2-0.
Un dianteiro contrastado na categoría, como é Jorge Maceira, aproveitou o primeiro deslize defensivo dos ourensáns para abrir o marcador, nun mano a mano que resolveu regateando a Borja Atanes. Os novos da canteira rojiblanca movían mellor o esférico e un centro do ex-ourensanista Hugo Padín aproveitouno o bigoleador da noite para encamiñar un triunfo que xa parecía cantado para os da casa.
Aínda así, a escuadra de Os Carrís non se rendeu e mellorou notablemente o seu rendemento na segunda parte. Incluso David Nespereira tivo unha gran oportunidade nunha xogada estratéxica, que non transformou ao irse o seu remate fóra por pouco.
Desde o banco visitante foron incorporando todo o seu arsenal ofensivo dispoñible, pero non foi suficiente, a pesar de asumir riscos que tamén lle puideron custar o terceiro en máis dunha ocasión.
Foi en todo caso esperanzadora a imaxe dun Barbadás capaz de reaccionar, á espera de volver ao seu campo para recibir ao Gran Peña.
Alineacións
POLVORÍN FC (2): Vidrih, Noah (Héctor, min 86), Manu Buide, Alonso, Nacho, Ju, Raúl Paz, Antón Núñez (Mateo, min 77), Álvaro Herrero (Sobrido, min 68), Hugo Padín (Lansade, min 68) e Maceira (Germán, min 86).
UD BARBADÁS (0): Borja, Gabri, Toño, Ribao, Nespereira, Konate, Pablo Rubio (Villarino, min 78), Rivero, Isma (Gabi, min 87), Brian (Brais Pardo, min 63) e Fer (Xinzo, min 63).
Goles
1-0, min 7: Maceira; 2-0, min 22: Maceira.
Árbitro
Ferrol Muñiz, do comité de Santiago. Amonestou aos visitantes Konate, Rivero, Toño, Pablo Rubio e Ribao.
Incidencias
Campo de A Cheda. Partido nocturno, que pechou a xornada 18 da Terceira Federación.
