O Concello de Xinzo de Limia comezará en breve a reparación de cinco rúas que se atopan en mal estado. As obras, que contan cun orzamento de 330.265 euros, deberán estar rematadas nun prazo de tres meses.
A empresa adxudicataria, Extraco, actuarán nunha superficie total de 13.500 metros cadrados nas seguintes localizacións:
- Avenida de Portugal
- Rúa Alexandre Bóveda
- Rúa Toural
- Travesía do Bouzo
- Rúa Dous de Maio
En que consisten os traballos?
O obxectivo é mellorar a seguridade tanto para os peóns como para os condutores. O proceso será o seguinte:
- Fresado: retiraranse as capas vellas e deterioradas do asfalto.
- Aglomerado: colocarase unha nova capa de asfalto de seis centímetros de grosor.
- Axustes: nivelaranse as tapas dos sumidoiros e dos pozos á nova altura da estrada.
- Pintado: finalmente, volveranse pintar as marcas viarias sobre o novo firme.
