Un alumno de sexto curso do CEIP Carlos Casares foi o gañador do concurso para o deseño da camiseta oficial de Galiciencia, a feira científica galega, coa súa creación titulada «La neurociencia». O debuxo amosa un cerebro positivo e creativo, en consonancia co tema da edición deste ano: «Neurociencia y salud mental».
David Devesa, de sexto curso do CEIP Carlos Casares, gañou o concurso co seu debuxo «La neurociencia»
01 abr 2025 . Actualizado ás 05:00 h.
Galiciencia, a maior feira científica da nosa comunidade, celebra este ano o seu 20 aniversario. Promovida polo Parque Tecnolóxico de Galicia, esta edición ten como lema «Neurociencia y salud mental». Para o deseño da camiseta oficial da feira, convocouse un concurso entre o alumnado de primaria de toda a comunidade. As propostas debían ter como punto de referencia calquera obxecto ou contorno relacionado coa temática desta edición.
O gañador do concurso foi David Devesa González, alumno de sexto curso do CEIP Carlos Casares de Xinzo de Limia. Baixo o título «La neurociencia», o seu debuxo mostra un cerebro risueño, colorido e enérxico, do que emerxen elementos que irradian moita positividade, como varios corazóns, estrelas, ideas… e tamén sorpresas e incógnitas. Un xurado de expertos decidiu a proposta gañadora, valorando a súa creatividade e a conexión coa temática desta edición da feira.
Ao certame presentáronse un total de 382 debuxos procedentes de 17 centros educativos de primaria de toda a comunidade. O estudante premiado recibirá camisetas para toda a súa clase, con exemplares tamén para os seus profesores e familiares. Así mesmo, distribuiranse camisetas entre o persoal da organización de Galiciencia e entre o alumnado que presente os seus proxectos na feira.
Arquivado en: Parque Tecnolóxico de Galicia Xinzo de Limia San Cibrao Das Viñas
