O 1 de setembro de 2025, usuarios e traballadores de vinte centros da Fundación San Rosendo na provincia de Ourense participaron nunha xornada de peregrinación ao santuario dos Milagros, dentro da novena á Virxe. O encontro anual, dedicado aos maiores, incluíu unha misa presidida polo bispo de Ourense, Leonardo Lemos Montanet, e a asistencia do director xeral de Maiores e Atención Sociosanitaria da Xunta, Antón Acebedo, e do alcalde de Baños de Molgas, Manuel Ángel Fernández.
Os participantes trasladáronse á residencia para persoas con discapacidade dos Milagros, onde disfrutaron dunha obra de teatro protagonizada por usuarios e traballadores, así como exposicións de traballos realizados nos talleres da residencia. Despois compartiron unha comida no recinto.
Participaron usuarios de centros como Os Gozos e Monterrei (Pereiro de Aguiar), Nosa Señora do Perpetuo Socorro (Arnoia), Santa Marta, Residencia As Flores e Santa Cruz (Santa Cruz de Arrabaldo), A Esperanza, Santa María e Virxe Branca (A Farixa), Divino Mestre, Residencia Alameda, Centro Alfredo Romero e a residencia de Miño e a de Ceboliño (Ourense), San Martiño (Nogueira de Ramuín), Nosa Señora de Mundil (Cartelle), Nosa Señora das Neves (Maceda), Santiago Apóstol (Vilamarín), Santa María (Xinzo de Limia), Muiños, Residencia Valverde (Valverde) e Nosa Señora de Villanova (Allariz).
