O polígono industrial de Chorente, en Allariz, recibiu unha axuda de 40.000 euros da Consellería de Economía e Industria da Xunta de Galicia para realizar arranxos na súa infraestrutura viaria. Esta achega forma parte dunha dotación total de 500.000 euros destinada este ano á mellora de parques empresariais na provincia de Ourense.
O delegado territorial da Xunta, Manuel Pardo, visitou anoxe o polígono de Chorente xunto á alcaldesa de Allariz, Cristina Cid, para supervisar as actuacións.
Outros parques empresariais da provincia que tamén se beneficiaron destas subvencións na pasada convocatoria son os de San Cibrao das Viñas (120.000 euros), Vilamarín (74.424 euros), Xinzo de Limia (59.310 euros), O Pereiro de Aguiar (119.966 euros) e A Gudiña (93.522 euros).
Ademais, Manuel Pardo anunciou a apertura dunha nova convocatoria de axudas para Concellos, que incluirá, como novidade, a posibilidade de destinar estes fondos á integración paisaxística.
