O delegado da Xunta en Ourense, Manuel Pardo, reuniuse cos membros da Agrupación Musical da Limia para felicitalos polo seu histórico logro no World Music Contest celebrado nos Países Baixos.
A formación de Xinzo de Limia acadou dous importantes recoñecementos nun dos certames de música de vento máis esixentes do mundo:
- Sétima posición na clasificación xeral.
- Unha medalla de ouro pola súa actuación.
Con este premio, o grupo limiao sitúase na élite internacional da música de banda, levando o nome da comarca aos escenarios máis importantes de Europa.
