O Antela FC acadou un empate sen goles (0-0) na súa visita ao campo do Portonovo, nun encontro moi igualado onde a defensa limiá mantivo a solidez fronte a un rival directo na táboa.
O partido foi moi disputado e con poucas ocasións de gol por ambos os dous bandos. O protagonista do conxunto visitante foi o porteiro Iago Salgado, que realizou unha intervención clave para deter un remate de cabeza de Yoel Crespo, a oportunidade máis clara dos locais.
Pola súa parte, o equipo de Bruno Gómez mostrouse moi serio sobre o terreo de xogo, bloqueando as acometidas do Portonovo e buscando achegarse á portería contraria a través de balóns cara a Negrete, aínda que sen chegar a materializar ningunha ocasión.
Estes foron os protagonistas do choque:
- Portonovo: Yeray, Pedro Arufe, Diego Abal, Carlos Martínez, Iker Méndez, Jesús Barbeito, Batkov, Varela, Martín Lago, Yoel Crespo e Bruno.
- Antela FC: Iago Salgado, Pucho, Bernardo, Álex Boán, Nico Peruzzo, Charly, Cole, Álex Cid, Gastón, Sandro Raposeiras e Negrete.
O árbitro do encontro foi o vigués Arredondas Fernández.
