O Antela FC enfróntase hoxe domingo ao CD Boiro nas semifinais da fase autonómica da Copa Federación. O encontro disputarase ás 17:30 horas no campo da Moreira, en Xinzo de Limia.
O equipo local, adestrado por Bruno Gómez, chega ao partido con moita moral tras eliminar ao Ourense CF en cuartos de final. Pola súa banda, o conxunto barbanzano accedeu a esta rolda directamente tras a retirada do Portonovo na fase anterior, polo que chega máis descansado pero con menos rodaxe competitiva.
O gañador deste partido terá como premio o pase á gran final, onde xa agarda o Racing Villalbés, que derrotou ao Céltiga na súa eliminatoria.
