Piñeira de Arcos celebra as festas de Santa Mariña con Treixadura como prato forte

A aldea de Piñeira de Arcos, en Sandiás, celebra as súas festas na honra a Santa Mariña os días 10, 11, 12 e 18 de xullo. O grupo Treixadura será o protagonista das xornadas cun concerto o sábado 11 ás 23:30 horas.

O programa festivo é o seguinte:

• Venres 10: Apertura do bar da comisión e música de DJ Javi Moore ás 00:30.
• Sábado 11: Sesión vermú e comida popular (14:30) con Street Band. Ás 20:00 actuará Jalos D’Antioquía e, despois de Treixadura, rematará a noite a discomóvil MQM (01:00).
• Domingo 12: Pasarrúas e sesión vermú coa charanga Achicoria. Ás 20:00 actuarán a orquestra D’Noche.
• Sábado 18: Xornada relixiosa con procesión (19:00) e misa (19:30), acompañadas polos gaiteiros Os da Pedra Alta.

Para facilitar a asistencia e evitar coincidir con outros eventos, a comisión adiantou as datas ao fin de semana previo ao día da santa. A organización destaca a comida popular do sábado, que espera reunir a uns 350 comensais. Para comodidade dos asistentes, instalouse unha carpa con aire acondicionado.

As entradas para a comida xa están á venda nos bares da localidade.

Saber máis · Descubre A Limia Sandiás 1.086 habitantes · 3 parroquias Coñecer o concello →