O PSdeG-PSOE de Vilar de Barrio denuncia o "abandono absoluto" do punto limpo municipal

O PSdeG-PSOE de Vilar de Barrio cualifica de “abandono absoluto” o estado actual do punto limpo municipal, acusando o goberno local de “pasividade e falta de xestión”. Os socialistas esixen unha actuación “inmediata” ante a “lamentable e deplorable” imaxe deste servizo público.

Segundo o comunicado do partido, a entrada do punto limpo atópase “completamente bloqueada” pola acumulación de mobles, colchóns, plásticos, electrodomésticos, sacos e todo tipo de residuos. Estes amóntanse “sen ningún tipo de control diante da porta de acceso”, non só impedindo o uso correcto das instalacións, senón tamén estendéndose polos marxes da estrada e invadindo parte da calzada.

O PSdeG-PSOE considera esta situación “inadmisible” nun servizo público básico como é a xestión de residuos. Ademais, advirten de que o estado actual “supón un risco ambiental evidente” ao atoparse residuos abandonados nun contorno natural. A acumulación de lixo na estrada tamén pode xerar “situacións de perigo para os condutores e a veciñanza”.