O lume que comezou o pasado xoves en Randín, en Calvos de Randín, quedou controlado este domingo ás 13:18 horas. O incendio afectou un total de 518 hectáreas de monte.
Durante os traballos de extinción, as autoridades chegaron a decretar a Situación 2 de emerxencia por precaución ante a proximidade das chamas ao núcleo de As Meaus, no concello de Baltar. Esta alerta xa foi desactivada ao mellorar a situación.
No operativo participaron numerosos medios terrestres e aéreos:
- Medios terrestres: 7 técnicos, 47 axentes, 54 brigadas, 33 motobombas e 5 palas.
- Medios aéreos: 10 helicópteros e 11 avións.
A Consellería do Medio Rural lembra como avisar de novos lumes:
- Teléfono gratuíto: 085.
- Denuncias anónimas: 900 815 085.
- Aplicación móbil: ALume.
