Incendio nunha cabeza tractora na OU-1102 en Sarreaus

Unha cabeza tractora incendiouse arredor das 17:30 do xoves na estrada OU-1102, que une Xinzo de Limia e Vilar de Barrio, á altura de Cortegada-Folgoso, no Concello de Sarreaus (Ourense).

O lume, de orixe descoñecida, afectou uns 300 metros nas marxes da estrada. Efectivos da Garda Civil, bombeiros e Protección Civil mobilizáronse para controlar o incendio, que se atopa practicamente extinguido, dada a súa proximidade a granxas e á propia estrada.