O Concello de Rairiz de Veiga avanza na tramitación para que a Romaría da Saínza sexa declarada festa de Interese Turístico Nacional. O director de Turismo de Galicia, Xosé Merelles, reuniuse coa alcaldesa, Josefa Asunción Morgade, para coñecer os traballos realizados polo goberno local neste proceso.
Merelles subliñou a importancia deste recoñecemento para a promoción turística da comarca da Limia e de Galicia. Manifestou o seu apoio á tramitación do expediente e comprometeuse a axilizar o informe autonómico previo á presentación da documentación ante o Goberno central. Esta iniciativa busca reforzar a visibilidade da comarca como destino de festas tradicionais de relevancia nacional.
