O incendio forestal que comezou o pasado sábado en Garabelos do Bouzo, en Baltar, quedou controlado este domingo ás 21:42 horas. As chamas calcinaron unha superficie provisional de 120 hectáreas.
Para extinguir este lume, que se iniciou o sábado ás 12:21 horas, foi necesaria a intervención dun amplo operativo:
- Medios terrestres: 3 técnicos, 13 axentes, 27 brigadas, 15 motobombas e 3 pás.
- Medios aéreos: 6 helicópteros e 9 avións.
Ante calquera sospeita de lume, a Xunta recorda que podes avisar chamando ao 085 ou a través da aplicación ALume. Se queres denunciar un posible caso de incendio provocado, podes facelo de xeito anónimo no 900 815 085.
