O Partido Socialista de Ourense elixiu este mércores 14 de outubro aos seus cabezas de lista para as próximas eleccións xerais. Carmen Rodríguez Dacosta liderará a candidatura ao Congreso e María Fernández Ojea será a número un para o Senado.
A decisión tomouse nunha reunión do Comité Provincial tras recibir o apoio das asembleas locais. Aínda que estas son as propostas oficiais do partido en Ourense, a aprobación definitiva depende agora da dirección estatal do PSOE no Comité Federal.
Estas son as listas aprobadas:
- Congreso: Carmen Rodríguez Dacosta (cabeza de lista), Brian Diz González, Marina Vaz Quintillán e Brais González Fernández.
- Senado: María Fernández Ojea (cabeza de lista), Rafael Rodríguez Villarino e Lorena Guerra Vigo.
O secretario provincial, Álvaro Vila, explicou que o obxectivo do partido é mobilizar ao electorado para defender as políticas sociais dos últimos anos e os investimentos realizados na provincia, contrapondo o seu modelo ao da dereita.
