Un veciño de Calvos de Randín, de 40 anos, foi detido hoxe por un presunto delito de homicidio por imprudencia grave e condución baixo os efectos do alcohol.
O incidente ocorreu na OU-1205 (Mugueimes – Calvos de Randín), no km 5, termo municipal de Muiños, o 3 de decembro de 2025 ás 23:00 horas. Unha colisión frontal entre un Citroën Saxo, conducido por unha muller de 51 anos, veciña de Requiás (Muiños), que faleceu no acto, e un Opel Combo, conducido polo detido.
A investigación indica que o condutor do Opel Combo invadiu o carril contrario. As probas de alcoholemia realizadas ao condutor detido deron positivo, superando o límite legal permitido (0,64 mg/l e 0,58 mg/l).
O detido, que resultou ferido leve, foi trasladado ao CHUO e será posto a disposición do Xulgado de Instrucción de Bande.
