O Concello de Xinzo de Limia celebrará o vindeiro venres 24 de xullo unha xornada cultural para conmemorar os 65 anos da audaz acción internacional liderada polo político e escritor limiao Xosé Velo.
O evento, organizado en colaboración con Acude Rural e Arraianos Producións, recorda a histórica toma do buque Santa María en 1961, rebautizado entón como Santa Liberdade. Aquela operación, ideada por Velo, tivo como obxectivo denunciar ante o mundo as ditaduras de Franco en España e de Salazar en Portugal.
A programación da xornada contará cos seguintes actos destacados:
- 20:00 horas, Salón de Plenos: Presentación da novela Os fabuladores, de José Ignacio Carnero.
- 23:00 horas, Praza Carlos Casares: Recital de poemas de Velo musicados polo guitarrista Moisés Quintas.
- A continuación: Estrea en primicia do documental Expediente Xosé Velo e posterior coloquio co seu director, Aser Álvarez.
Ademais, como parte desta homenaxe, a veciñanza xa pode visitar na Casa da Cultura a exposición multimedia #LoveVelo. Esta mostra, que serve como antesala aos actos do venres, conta coas ilustracións do recoñecido pintor e caricaturista Siro López.
