Rematou a primeira manga do campionato galego de parapente

No día de hoxe 4 de agosto celebrouse a primeira das tres probas que teñen que celebrar os pilotos de parapente para poder ser o campión de Parapente de Galicia
BALTAR-TIXOS-BOULLOSA-BALTAR

Na primeira manga das tres os pilotos despegaron na zona norte do Larouco dirixíndose a “ceo aberto” ata Tixós, para dende alí trasladarse ata a Boullosa, pasando por Baltar e logo volta a zona “gol” que se atopaba no despegue norte, de onde saíran.
Máis do 50% dos pilotos que participaron nesta primeira manga do campionato, facíano por primeira vez.
As condicións climáticas eran perfectas para a practica deste deporte que día a día vai collendo máis adeptos que veñen a practicala a Serra do Larouco.
Sen incidencias
Durante o día de hoxe non houbo ningunha incidencia.
Mañá comezará o Encontro de Parapente, para aqueles pilotos que non participan no campionato.
CEA DE CONFRATERNIZACIÓN
Mañá pola noite rematada a segunda manga haberá unha cea de confraternización na que asistirán máis de 130 deportistas.

Saber máis · Descubre A Limia Baltar 849 habitantes · 7 parroquias Coñecer o concello →