Tres xornadas formativas gratuítas para impulsar negocios locais en Celanova, Maceda e Xinzo

O GDR Limia-Arnoia organiza tres encontros prácticos este mes de novembro para axudar a autónomos e empresas a dixitalizar os seus negocios e mellorar a xestión diaria.

As sesións, integradas no programa Terra de Oportunidades de CaixaBank, serven para resolver dúbidas e aprender ferramentas útiles nun ambiente colaborativo. As datas e lugares son os seguintes:

Celanova: Luns 23 de novembro, de 10.00h a 14.30h no Salón dos Arcos.
Maceda: Xoves 26 de novembro, de 16.00h a 20.30h no Salón de Plenos.
Xinzo de Limia: Sábado 28 de novembro, de 16.00h a 20.30h no Salón de Plenos.

As xornadas contan co apoio das asociacións de comerciantes locais (Celanova CHEA, Prolimia e ACE Maceda). A participación está aberta tanto a quen xa ten un negocio en marcha coma a persoas que estean a valorar emprender.

Para asistir, é necesario cubrir o formulario de inscrición dispoñible na web limia-arnoia.gal. Se tes algunha dúbida, podes escribir ao correo [email protected] ou chamar ao teléfono 604 094 665.