O delegado da Xunta, Manuel Pardo, visitou onte o Riós para supervisar as obras de accesibilidade e reforma integral rematadas no edificio municipal e na zona de xogos infantil.
As actuacións, financiadas pola Consellería de Presidencia, supuxeron un investimento de preto de 35.000 euros e serviron para modernizar dous espazos clave para os veciños:
- Casa do Concello: Elimináronse as vellas escaleiras e construíuse unha rampla de acceso con varanda, ademais de renovar a escaleira.
- Parque infantil: Substituíuse o chan de caucho por outro continuo máis seguro e instaláronse novos xogos.
Durante a visita, tamén se anunciou que o Riós recibirá este ano preto de 24.000 euros adicionais para rehabilitar a praza de Florderrei, creando un novo espazo de lecer para a veciñanza.
Estas achegas forman parte dun plan autonómico destinado a concellos de menos de 30.000 habitantes, que cofinancia ata o 70 % do custo en obras de mellora de servizos, rúas e instalacións municipais.
