O CDR O Viso en colaboración co Concello de Sandiás fomentan a concienciación ambiental e a limpeza da contorna cunha andaina de recollida de lixo polas areeiras da Limia.

O sábado 29 de novembro de 2025, o CDR O Viso, en colaboración co Concello de Sandiás, organizou unha xornada de recollida de lixo nas Areeiras da Limia, Sandiás, nun tramo de 5 km. Participaron 25 persoas da Comarca da Limia.

Na primeira fase, o voluntariado recolleu 22 bolsas de lixo menor, rodas e plásticos, aproximadamente 150 kg. Entre os residuos atopáronse latas, envases plásticos e panos de papel.

A segunda fase, con maquinaria e persoal especializado, centrarase en residuos agrícolas e industriais, como pneumáticos e plásticos. O obxectivo é a concienciación ambiental, a participación cidadá e a restauración da contorna natural.

Tras a xornada, houbo un ágape en Couso de Limia e un faladoiro sobre a experiencia. A iniciativa forma parte do programa de voluntariado medioambiental do CDR O Viso, financiado pola Consellería de Política Social e Igualdade, e compleméntase coa acción “Á caza do lixo” do Concello de Sandiás.

Saber máis · Descubre A Limia Sandiás 1.086 habitantes · 3 parroquias Coñecer o concello →