Domingo, 22 de novembro Xinzo 12° Garda: PRIETO VIVANCO-CONDE C.B
Dende A Limia

“Cornamusas Primitivas:Historia da Civilización”

1 min de lectura

Fonte
Dende A Limia
Publicada
9 abr.
Ver a noticia orixinal

O vindeiro venres, 10 de abril, ás 12:00 horas, inaugurarase a exposición “Cornamusas Primitivas: Historia da Civilización” no Museo Galego do Entroido (MUGAE), en Xinzo de Limia. Este acto está aberto ao público.

A mostra, comisariada pola investigadora Ruth Foxo Aira, poderá visitarse do 9 de abril ao 30 de xuño de 2026, en horario de xoves a domingo e festivos, de 10:00 a 13:00 e de 17:00 a 19:30 horas.

Exponse vinte e dous instrumentos procedentes do Museo Internacional da Gaita da Deputación de Ourense. Cada peza conta cun código QR que permitirá aos visitantes escoitar o son do instrumento e melodías interpretadas por gaiteiros de diversas culturas. A exposición tamén inclúe paneis ilustrativos sobre a iconografía da gaita na Península Ibérica.

A exposición chega a Xinzo de Limia tras itinerar por Madrid e Lugo, froito da colaboración entre a Escola Provincial de Gaitas da Deputación de Ourense e a Escola Municipal de Gaitas e Percusión de Xinzo. A iniciativa está dirixida ao alumnado de centros musicais e educativos, así como ao público xeral.

A exposición combina a riqueza sonora das cornamusas primitivas con traxes representativos dos entroidos galegos.

PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser