A 41ª edición das Xornadas de Folclore arranca este luns 10 de agosto ás 20:30 horas no Teatro Principal de Ourense. O festival levará a preto de 170 artistas de todo o mundo a percorrer a provincia ata o día 20.
No evento participarán agrupacións procedentes de seis países:
- Armenia: Sebastia Dance Ensemble.
- Ecuador: Elenco Ñukanchik.
- México: Compañía Nacional de Danza Folklórica.
- Serbia: Folk Dance Group «Tucović».
- Taiwán: YiTzy Folk Dance Theatre.
- Senegal: Ballet Jammu.
Cousas que debes saber:
- Onde actuarán: O espectáculo percorrerá 16 vilas, entre elas Allariz, A Rúa, Bande, O Barco, O Carballiño, Castro Caldelas, Celanova, Entrimo, Maceda, Manzaneda, Ribadavia, Trives, Verín, Viana do Bolo e Xinzo de Limia.
- Prezo: As actuacións son de balde para o público.
- Grandes citas: O 18 de agosto na Praza Maior de Ourense e o 19 de agosto no Auditorio do Castelo de Ribadavia actuarán os seis grupos xuntos.
