A Xunta de Galicia xa fixou os días festivos para o ano 2027 a través dun decreto publicado hoxe no Diario Oficial de Galicia (DOG). O calendario inclúe un total de 14 festas, entre as que destacan as celebracións autonómicas propias de San Xosé e o Día das Letras Galegas.
O calendario laboral galego configúrase sumando as festas nacionais obrigatorias e as elixidas pola administración autonómica. Ademais, cada concello deberá engadir dúas xornadas festivas de carácter local para completar o ano.
Estes son os 12 festivos fixados pola Xunta de Galicia para 2027:
- 1 de xaneiro: Aninovo.
- 6 de xaneiro: Epifanía do Señor (Día de Reis).
- 19 de marzo: San Xosé.
- 25 de marzo: Xoves Santo.
- 26 de marzo: Venres Santo.
- 1 de maio: Festa do Traballo.
- 17 de maio: Día das Letras Galegas.
- 12 de outubro: Festa Nacional de España.
- 1 de novembro: Todos os Santos.
- 6 de decembro: Día da Constitución.
- 8 de decembro: Inmaculada Concepción.
- 25 de decembro: Natividade do Señor.
Nota sobre o 25 de xullo: Aínda que a Xunta sempre elixe o 25 de xullo, Día Nacional de Galicia, para o calendario laboral, en 2027 esta data coincide en domingo. Por este motivo, a administración optou por establecer como festivo o 19 de marzo.
Do mesmo xeito, o 15 de agosto (Asunción da Virxe), que é festivo nacional, cae en domingo en 2027. Ante esta coincidencia, a Xunta decidiu substituílo polo 17 de maio, garantindo así que o Día das Letras Galegas forme parte do calendario oficial de días non laborables en toda a comunidade.
