Luns, 16 de novembro Xinzo 15° Garda: MARIA SOLEDAD RODRIGUEZ GARRIDO
Dende A Limia

A Xunta aposta polo desenvolvemento rural coa maior convocatoria da historia das axudas LEADER dotadas con 28,7 M€ ata 2028

2 min de lectura

Fonte
Dende A Limia
Publicada
2 feb.
Ver a noticia orixinal

O Diario Oficial de Galicia (DOG) publica hoxe a maior convocatoria histórica das axudas Leader, cun orzamento de 28,7 millóns de euros para o período 2026-2028. Esta convocatoria trianual ofrece unha vantaxe temporal para os promotores de proxectos.

Estes fondos forman parte do Plan Estratéxico da PAC 2023-2027 (PEPAC), que destina un total de 56,9 millóns de euros á intervención Leader durante todo o seu período de vixencia.

As axudas están dirixidas a entidades públicas locais ou comarcais, persoas físicas e xurídicas, e comunidades de montes veciñais en man común e as súas mancomunidades. O Fondo Europeo Agrícola de Desenvolvemento Rural (Feader) financia o 80% do orzamento, que apoiará proxectos produtivos xeradores de emprego e autoemprego, así como proxectos non produtivos que beneficien á poboación rural.

Dentro dos proxectos produtivos, poderán financiarse iniciativas para a creación, ampliación e modernización de PEMES en sectores como o turismo, servizos ou industria. Tamén se apoiarán proxectos de transformación e comercialización de produtos agrarios, establecementos de turismo rural, restaurantes, pequenas industrias, talleres, perruquerías e tendas de ámbito local.

O prazo de presentación de solicitudes ábrese mañá e estenderase durante dous meses, ata o 6 de abril.

Bono Activa Rural

Esta convocatoria inclúe tamén o Bono Activa Rural, unha subvención a tanto global destinada á creación e posta en marcha de actividades non agrarias en contornas rurais. A axuda non require xustificación de gastos e vincúlase ao mantemento da actividade e ao cumprimento do plan empresarial durante polo menos cinco anos.

Os proxectos que opten a esta modalidade de axuda competirán cos proxectos produtivos doutras convocatorias. Os beneficiarios deben ser persoas físicas que se dean de alta como autónomos e xeraren unha actividade empresarial individual, creando polo menos o seu propio posto de traballo. A axuda pode alcanzar un máximo de 18.000 euros.

PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser