Primeiro foi unha cerimonia relixiosa á que deu paso ao descubrimento dunha placa en recordo do seu ilustre veciño o avogado Antonio Valencia, placa que se colocou na “casa do pobo” o antigo teleclub.
O alcalde dirixíndose aos veciños
Ningún veciño se quixo perder o acto que segundo manifestou o alcalde, foi unha iniciativa totalmente veciñal, e que el, como representante levou ao pleno. Anteriormente ó 26 de abril o concello xa tomou o acordo de nomealo fillo predilecto do concello de Baltar.
Descubrimento da placa por unha veciña
A placa foi descuberta por unha das veciñas promotoras do acto. Jose A. Feijóo tomou a palabra para no seu nome e dos veciños comentar que era un orgullo para o concello poder dicir que o avogado Antonio Valencia fose veciño. Na súa intervención ademais de ler varios artigos periodísticos despois do seu pasamento no que en todos eles se falaba da bonomidade de Antonio, chegando a denominalo “o avogado dos pobres”.
Sobriña de Antonio agradecendo a presenza da maioría dos veciños
Tamén tivo que ler un escrito de Luis Menor, presidente da Deputación, que non puido estar, aínda que lle agradaría no acto, recordando o seu paso como letrados dos xulgados de Ourense e o seu contacto estreito con Antonio.
Como fin das intervencións, unha sobriña de Antonio, quixo agradecer a todos a presenza e as verbas que todos dedicaron a figura do seu tío.
Rematado o acto os veciños, auto invitáronse a uns pinchos de mediodía, rematando así este pequeno homenaxe no seu pobo natal.
