O autor portugués Carvalho de Moura presenta este venres, 23 de outubro, o seu libro «A Fronteira de Montalegre» na Biblioteca Municipal de Xinzo de Limia.
O acto comezará ás 20.00 horas na Casa da Cultura e contará coa presenza do historiador local Edelmíro M. Cerredelo, quen realizará a presentación da obra.
O libro afonda na historia e a identidade compartida entre Galicia e o norte de Portugal. Carvalho de Moura, coñecido pola súa dilatada traxectoria política e cultural en Montalegre, aborda nesta publicación a realidade social e o pasado do territorio da raia.
- Data: Venres, 23 de outubro.
- Hora: 20.00 horas.
- Lugar: Biblioteca Municipal (Casa da Cultura de Xinzo de Limia).
