
O Antela arrinca un punto en Arteixo cun gol de Negrete baixo a choiva
- Fonte
- Antela FC
- Publicada
- 22 nov.
O Antela logrou un empate (1-1) na súa visita ao Atlético Arteixo tras un partido marcado pola intensa choiva e a expulsión dun xogador visitante.
A pesar de comezar perdendo tras un gol en propia porta na primeira metade, o conxunto ourensán conseguiu igualar o marcador nos minutos finais. Aínda que o Arteixo xogaba cun home máis pola expulsión de Mauro Sabucedo no minuto 70, non foi quen de sentenciar o encontro.
O empate chegou no minuto 83, cando Negrete asinou un potente disparo desde fóra da área que bateu ao porteiro local. Con este resultado, o Antela alcanza os 17 puntos na clasificación.
Outras novidades da canteira:
- Xuvenil: Perdeu 2-0 ante o Chantada e cae ao cuarto posto da táboa.
- Antela B: Visita este domingo o campo de Viloira para enfrontarse ao Barco B ás 16:15 horas.

