Melloras de camiños e parques en Trasmiras

O Concello de Trasmiras está a levar a cabo varias obras en distintas áreas da súa contorna. Algunhas destas obras entran dentro do Plan Marco 2024-2025, como o Plan de Mellora de Camiños Municipais de Acceso a Parcelas Agrícolas, cun orzamento de 32.500 euros, en Abavides.
A maiores, unha auditoría de saneamento para deteccións de filtracións, cun orzamento de 14.445,46 euros. Nas aldeas de Vilaseca, Soutelo, Rabal e Trasmiras, o Concello renovará o parque infantil, cun presuposto de 14.980,77 euros.
Tamén haberá melloras no firme e nova rede pluviais na Rúa Bimbieiro, cun orzamento de 48.000 euros. A Rúa Virxe da Gracia tamén mellorará o seu saneamento, cun orzamento de 15.232,52 euros.

As aldeas de Abavides e Rabal terán unha mellora nos seus camiños agrícolas, cuns orzamentos de 72.442,11 euros e 47.100,57 euros, respectivamente. A Casa do Concello contará cunhas melloras nas súas oficinas, cun orzamento de 34.969 euros.
O Concello está a redactar un estudo para a mellora dos tramos dos pobos que pasan pola N-525, cun orzamento de 6.304,10 euros. Tamén estase levando a cabo a redacción do proxecto do cemiterio de Vilaseca, por 12.030,45 euros de orzamento.

Trasmiras contará tamén coa construción da residencia de terceira idade, cun orzamento de 2.197.487,50 euros.

Saber máis · Descubre A Limia Trasmiras 1.216 habitantes · 9 parroquias Coñecer o concello →