Obradoiro de pilates e ioga terapéutico no programa Rosalía en Sandiás.

Grazas ás preto de 20 persoas que participaron o luns 1 de Xullo na terceira sesión do programa Rosalía no Concello de Sandiás. A sesión virou ao redor dun Obradoiro de Pilates e Ioga Terapéutico animado por Carmen.
A animadora insistiu na importancia da postura do corpo, a respiración, o equilibrio. Realizou tamén unha introdución ao Mindfulness ou a forma de estar atentos de forma intencional ao que facemos sen xulgar.
O benestar e a saúde son elementos esenciais para crear sociedades felices. E nisto ten parte que ver a práctica de pilates e o ioga terapéutico. Ditas prácticas  teñen como obxectivo fortalecer o corpo e a mente desde a parte máis profunda á máis superficial, aumentando e unindo o dinamismo e a forza muscular co control mental, a relaxación e a respiración. É unha disciplina que combina técnicas de ximnasia, ballet e ioga. Pode ser practicada por persoas de diferentes idades e proporciona melloras físicas, mentais e espirituais contribuíndo a unha vida máis equilibrada e saudable.
O Programa Rosalia desenvólvese nos concellos de Sandiás, Concello de Xunqueira de Ambía Rairiz de Veiga e Concello de Vilar de Barrio. Para todas as mulleres da ComarcadaLimia!.