Noemí Vázquez, premio Pedra Alta 2026 pola súa labor cultural na Limia

O Museo da Limia premiará o próximo 28 de novembro a Noemí Vázquez Nogueiras, xerente de “A Arca de Noe”, pola súa traxectoria de máis dunha década dinamizando a cultura en Vilar de Santos.

O galardón, que recoñece a súa achega á música e ao activismo comunitario na contorna, consiste nunha réplica en granito do menhir Pedra Alta, realizada polo escultor Xosé Lois Carreira.

O acto oficial de entrega terá lugar en Vilar de Santos:

• Data: 28 de novembro.
• Hora: 12:00 h.
• Lugar: Salón multiusos do Concello.

Tras a cerimonia, celebrarase un xantar de confraternidade no restaurante Novaiño, en Sandiás. A asistencia ao xantar require inscrición previa e cada comensal deberá abonar o custo da súa comida.

Saber máis · Descubre A Limia Vilar de Santos 784 habitantes · 2 parroquias Coñecer o concello →