Cinco concelleiros presentaron unha moción de censura para desbancar á actual rexidora, Josefa Morgade (PSOE), e nomear alcalde ao popular Camilo Fernández Freire. A votación definitiva celebrarase o próximo 4 de novembro ás 12:00 horas.
A maioría que promove o cambio está formada por:
- Partido Popular: Camilo Fernández Freire e Rubén Sáiz Nieto.
- BNG: Juan Antonio Rivero Abuín e Pablo Campos Montero.
- Non adscrito: Daniel González Ferreiro.
O relevo na alcaldía chega nun momento crítico pola situación dunha explotación avícola vinculada ao candidato popular, Camilo Fernández. O próximo 29 de outubro ás 12:00 horas, unha comisión técnica e xudicial ten previsto acceder ás instalacións en Santa Mariña de Congostro para elaborar o proxecto de demolición das obras, declaradas ilegais polo Tribunal Superior de Xustiza de Galicia (TSXG).
Mentres os promotores da moción xustifican o cambio na busca de «estabilidade e eficacia», a alcaldesa actual cualifica a manobra de «venganza» para frenar o derribo da nave. Pola súa banda, a dirección do BNG xa desautorizou aos seus dous concelleiros e ameazou con expulsalos se non retiran o seu apoio á moción.
O conflito sobre a granxa remóntase a unha sentenza de 2021 que anulou o permiso ambiental da instalación, que ten capacidade para máis de 280.000 polos e foi denunciada polo seu impacto ambiental na zona e a proximidade a vivendas.
