O Concello de Xinzo de Limia comeza este xoves, 10 de setembro, as obras de pavimentación en varias vías do municipio, o que obrigará a cortar o tráfico e prohibir aparcar nas zonas en reforma.
Os traballos divídense en dúas fases e afectarán ás seguintes rúas:
- Primeira fase: Travesía do Bouzo e Avenida de Portugal (tramo entre o cruzamento da Avenida de Madrid e a pista da Armada).
- Segunda fase: Rúa Dous de Maio (desde a Avenida de Madrid ata o cruzamento co Toural), Rúa do Toural e Rúa Alejandro Bóveda.
Ademais destas actuacións, financiadas polo Plan CooperOU, o Concello pavimentará tamén o Camiño do Regueiro con fondos propios. O goberno local pide paciencia aos veciños ante as restricións de circulación que se producirán mentres duren as obras.
