O Concello de Ponteareas solicitou á Xunta de Galicia que a Festa da Peixeira de Xinzo reciba o recoñecemento de interese turístico, un distintivo que busca poñer en valor a singularidade desta celebración.
Esta festa, que celebra este venres a súa XXXIV edición, homenaxea ás mulleres que durante xeracións levaron o peixe desde a costa ata o interior, converténdose nun símbolo de identidade para a parroquia. O obxectivo desta petición é protexer este legado histórico e atraer a máis visitantes a Ponteareas.
Programación do venres:
- 19:00 h: Misa e ofrenda floral no Monumento ás Peixeiras.
- 21:00 h: Gran sardiñada popular con 1.000 quilos de sardiña fresca.
- 22:00 h: Música coa charanga Os Imperiais e DJ Chote.
- 23:00 h: Pregón a cargo do xornalista Roi Groba.
A degustación das sardiñas é de balde, pero para participar cómpre mercar o prato e a cunca conmemorativos da festa.
