O BNG de Xinzo traslada ao goberno municipal o malestar dos hostaleiros locais pola organización dos concertos e a xestión da barra instalada durante as pasadas festas de Santa Mariña.
Os hostaleiros denuncian que a concentración das actuacións musicais nunha única zona, o parque do Toural, provocou que o público non circulase polo resto das rúas, prexudicando os negocios situados noutros puntos da vila.
Ademais, o sector critica a falta de información sobre a barra instalada na zona dos concertos. Segundo os nacionalistas, o Concello non fixo un proceso público para a súa adxudicación, o que xerou sospeitas sobre como se tomou a decisión.
O BNG reclama agora ao goberno local:
- Escoitar as demandas dos hostaleiros para futuras edicións.
- Explicar con transparencia os criterios e o procedemento empregado para autorizar a barra da zona de concertos.
