A xira musical que busca acercar a cultura aos centros sociais das zonas rurais rematou este domingo en Pena, despois de percorrer diversas localidades como Piñeira Seca, San Pedro, Morgade, Laroá, Ganade, Gudín, Baronzás e a Casa dos Mestres de Trasmiras.
A iniciativa contou co apoio de Jose Luis Tielas, director da Agrupación Musical da Limia, e do concelleiro de Cultura, Carlos Gómez. O obxectivo principal do proxecto é reafirmar a importancia da cultura no ámbito rural e fomentar a participación activa da mocidade na vida cultural do concello.
As actuacións tiven unha extraordinaria acollida pola veciñanza, destacando un ambiente familiar e emotivo onde os músicos mozos foron agasallados con merendas e chocolatadas. Segundo os organizadores, o éxito da proposta reside na súa capacidade para promover o talento xoventil e fomentar a convivencia entre xeracións a través da música.
